Haaqa beynəlxalq məhkəməsinin Kosovonun müstəqilliyinə aid qərarı, digər törəmələrin özlərini elan etmələri üçün presedent yaratmır. Bu barədə RF-nin Azərbaycandakı səfiri Vladimir Doroxin bəyan edib.

“Biz hesab edirik ki, Haaqada qəbul olunmuş qərarın əhəmiyyətini şişirtməyə ehtiyac yoxdur. Çünki sırf hüquqi nöqteyi-nəzərdən məhkəmə yalnız bir məsələyə baxıb. Kosovonun müstəqillik bəyannaməsini qəbul etmək hüququ var, ya yox?”, - deyə V.Doroxin ANS telekanalına müsahibəsində bildirib.

“O, (Haaqa məhkəməsi) başqa suallara cavab verməyib”, - deyə səfir vurğulayıb.

Bundan əlavə V.Doroxin qeyd edib ki, Haaqa məhkəməsi Kosovo kimi dövlətin yaradılıb yaradılmaması sualına cavab verməyib, “belə bir dövlət yaranıbmı, o mövcuddur və s. Eləcə də o suala da cavab verilmədi ki, dövlətlər onu (Kosovonun müstəqilliyini) tanımalıydılar, ya yox?”. “Çox ehtiyatlı, çox neytral və hüquqi qərar qəbul edilib”, - deyə səfir vurğulayıb.

Lakin rusiyalı səfir belə hesab edir ki, beynəlxalq məhkəmənin qərarında “təəccüblü heç nə yoxdur”. “Bu qərarın başqa interpretasiyası da var. Görünür, bu hələ olacaq. Amma bu (bu qərar –İF-Az) siyasiləşdirilmiş, qeyri-korrekt və yanlış olacaq”, - deyə o söyləyib.

Onun sözlərinnə görə Rusiya öz mövqeyində qalır ki, bu mövqeyə əsasən Kosovo ilə bağlı qərar heç nəyi dəyişmir, heç bir presedent yaratmır. Hansısa separatçı və ya digər fəaliyyətlər üçün heç bir hüquqi əsas vermir”.