Azərbaycan və Türkiyə  iqtisadi əməkdaşlığın genişlənməsi üçün bütün imkanlara malikdir. Bu barədə prezident İlham Əliyev çərşənbə günü Türkiyənin xarici ticarət məsələləri üzrə dövlət naziri Zəfər Çağlayanı qəbul edərkən bəyan edib.
Dövlət televiziyasının məlumatına görə, görüşdə İ.Əliyev Türkiyə ilə qarşılıqlı iqtisadi əlaqələrin səviyyəsindən razılıq bildirərək, bu əlaqələrin genişlənməsi üçün imkanların olduğunu qeyd edib. Bununla əlaqədar dövlət başçısı Azərbaycana səfəri zamanı Z.Çağlayanı bir qrup türkiyəli iş adamının müşayiət etməsinin əhəmiyyətini vurğulayıb.
Öz növbəsində, türkiyəli qonaq respublikanın və onun paytaxtı Bakının hətta qlobal iqtisadi böhran şəraitində də yüksək sürətlə inkişaf etməsi münasibətilə Azərbaycan prezidentini təbrik edib.